पछिल्लो २४ घण्टामा ३०८ जनामा कोरोना पुष्टि, ३ संक्रमितको मृत्यु

९ मंसिर, काठमाडौं । नेपालमा पछिल्लो २४ घण्टामा नेपालमा थप ३ सय ८ जनामा कोरोना भाइरस संक्रमण पुष्टि भएको छ ।

८ हजार ९०९ जनाको कोरोना परीक्षण गर्दा पीसीआर विधिबाट २८१ तथा एन्टिजेन विधिबाट २७ जना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा थप २९८ जना संक्रमणमुक्त भएका छन । नेपालमा सक्रिय संक्रमितको सङ्ख्या ७ हजार ३४९ रहेको छ ।

यही अवधिमा थप ३ जनाको मृत्यु भएको छ भने नेपालमा कोभिड–१९ को संक्रमणबाट ११ हजार ५१६ जनाको मृत्यु भइसकेको मन्त्रालयले उल्लेख गरेको छ ।