स्वरोजगार कोष र गरिमा विकास बैंकबीच कर्जा सम्झौता

९ मंसिर,काठमाडौं । गरिमा विकास बैंक र नेपाल सरकार युवा तथा साना व्यवसायी स्वरोजगार कोषबीच समझदारी भएको छ ।

न्यून आय भएका र खासगरी सामाजिक रुपमा पिछडिएका महिला, जनजाति, दलित वर्ग, फरक ढंगले सक्षम व्यक्तिहरु, सीमान्तकृत समुदाय तथा साना किसान, कालिगढ, मजदूर र भुमिहीन विपन्न परिवारहरुलाई विपन्न वर्ग अन्तर्गत रहेर कर्जा लगानी गर्नको लागि सो सम्झौता गरिएको बैंकका प्रमुख कार्यकारी अधिकृत गोविन्द प्रसाद ढकालले जानकारी दिए ।

हिजो एक कार्यक्रमका बिच कर्जा सम्झौता भएको हो । सो कर्जा सम्झौतामा कोषका तर्फबाट कार्यकारी निर्देशक विश्व मोहन अधिकारी र बैंकको तर्फबाट बैंकका प्रमुख कार्यकारी अधिकृत गोविन्द प्रसाद ढकालले हस्ताक्षर गरेका छन् ।