१९ जीवन बीमा कम्पनीले गरे साढे १२ अर्ब बढी बीमा शुल्क आर्जन, कुनले कति ?

१४ मंसिर, काठमाडौं । १९ जीवन बीमा कम्पनीहरुले कात्तिक मसान्तसम्ममा १२ अर्ब बढी बीमा शुल्क आर्जन गरेको छ ।

चालु आवको चार महिनामा १९ जीवन बीमा कम्पनीहरुले प्रथम बीमा शुल्कवापत १२ अर्ब ६९ करोड ५५ लाख रुपैयाँ संकलन गरेका हुन् ।

कात्तिक महिनामा मात्रै यी १९ कम्पनीहरुले २ अर्ब ९१ करोड ५२ लाख रुपैयाँको व्यवसाय गरेका छन् ।

यस अवधिमा नेपाल लाइफ इन्स्योरेन्सले सबैभन्दा धेरै रकम संकलन गरेको छ ।

नेपाल लाइफ इन्स्योरेन्सले कात्तिक मसान्तसम्ममा दुई अर्ब ३० करोड ३६ लाख रुपैयाँ प्रथम बीमाशुल्क संकलन गरेको छ भने, कम्पनीले कात्तिक महिनामा मात्रै ६२ करोड ४३ लाख रुपैयाँको नयाँ व्यवसाय बिस्तार गरेको छ ।

नेपाल लाइफपछि नेशनल लाइफ इन्स्योरेन्सले बढी बीमाशुल्क संकलन गरेको छ । कम्पनीले चालु आवको कात्तिक मसान्तसम्ममा एक अर्ब ४८ करोड ९३ लाख रुपैयाँको नयाँ व्यवसाय बिस्तार गरेको छ ।

नेशनल लाइफपछि एलआइसीले ९३ करोड ३८ लाख रुपैयाँ प्रथम बीमाशुल्क संकलन गरेको छ ।