कांग्रेस कर्णाली प्रदेशको सभापतिमा संस्थापन पक्षका शाही विजयी

१९ मंसिर, सुर्खेत । नेपाली कांग्रेस कर्णाली प्रदेशको सभापतिमा ललितजंग शाही विजय भएका छन् । शाही संस्थापन ‘सभापति शेरबहादुर देउवा’ समूहका हुन् । कुल खसेको ७ सय ५४ मतमध्ये ललितजंगले ४ सय २२ मत प्राप्त गरेका छन् ।

उनका प्रतिस्पर्धी भूपेन्द्रजंग शाहीले ३ सय १७ मत प्राप्त गरे भने मोतीराज बमले ७ मत प्राप्त गरेका छन् । खसेको कुल मतसंख्यामध्ये ८ मत बदर भएको छ ।

भूपेन्द्रजंग संस्थापनइतर ‘वरिष्ठ नेता रामचन्द पौडेल समूहका हुन् भने मोतीराज पार्टी उपसभापति विमलेन्द्र निधी समूहका हुन् । सभापतिबाहेकका अन्य पदाधिकारी तथा सदस्य पदको मतगणना भईरहेको छ ।