लुम्बिनीमा पौडेल पक्षका उम्मेदवारको अग्रता

१९ मंसिर, बुटवल । कांग्रेसको लुम्बिनी प्रदेश अधिवेशनको मतगणनामा संस्थापन पक्षका उम्मेदवारले अग्रता लिएको छ । संस्थापन पक्षबाट सभापति पदका उम्मेदवार अमरसिंह पुन ३६५ मत गन्दा ६९ मतले अगाडि थिए भने ४७८ मत गन्दा उनले २९५ मत हासिल गरेका छन् भने संस्थापन पक्षका भरतकुमार शाहले १७८ मत प्राप्त गरेका छन् ।

उपसभापति पदमा संस्थापन पक्षका अष्टपुजा पाठक २७६ र भुवनप्रसाद श्रेष्ठले २८६ मत प्राप्त गरेका छन् ।
महामन्त्रीमा विक्रम खनाल र सुरेन्द्रराज आचार्यले लिड गरेका छन् । खनालले २९३ मत प्राप्त गरेका छन् भने आचार्यले २८३ मत प्राप्त गरेका छन् । उनीहरुका प्रतिस्पर्धी खिमानसिंह रायमाझीले १५४ र जन्मजय तिमल्सिनाले १६० मत प्राप्त गरेका छन् ।

सहमहामन्त्री खुल्लातर्फ बिष्णु खानाल मुस्कानले २९१, खगराज पाण्डेले २६२ र महिलातर्फ सहमहामन्त्रीमा निमा गिरीले २७० मत प्राप्त गरेका छन् । सहमहामन्त्रीमा पनि पुन समूहकै अग्रता छ ।