देशभर थप २६५ जनामा कोरोना पुष्टि, २ संक्रमितको मृत्यु

२० मंसिर, काठमाडौं । नेपालमा पछिल्लो २४ घण्टामा देशभर २६५ जना कोरोना भाइरस संक्रमणको पुष्टि भएको छ । स्वास्थ्य मन्त्रालयका अनुसार सोही अवधिमा ३५७ जना संक्रमणमुक्त भएका छन् ।

मन्त्रालयका अनुसार ८ हजार ६१७ जनामा भएको नमुना परीक्षणमा २६५ जनामा कोरोना भाइरस पुष्टि भएको हो । यस्तै बितेको २४ घण्टामा २ जनाको मृत्यु भएको छ ।

मन्त्रालयका अनुसार हाल देशभर सक्रिय संक्रमित ६ हजार ३८६ जना रहेका छन् ।