कांग्रेस युवा नेता शाहीद्धारा केन्द्रीय सदस्यमा उम्मेद्धवारी घोषणा

२१ मंसिर, काठमाडौं । नेपाली कांग्रेसका युवा नेता पुष्पकुमार शाहीले आसन्न १४औं महाधिवेशनमा केन्द्रीय सदस्यमा उम्मेद्वारी दिने घोषणा गरेका छन् ।

आज पत्रकार सम्मेलनको आयोजना गर्दै उनले युवाहरुको जोश, जाँगर, उत्साह र २१औं शताब्दीको प्रविधिलाई समिश्रण गरेर पार्टीको नेतृत्वलाई अगाडी बढाउने उद्देश्यका साथ नेपाली काग्रेसको केन्द्रीय सदस्यमा उम्मेद्वारी घोषणा गरेको बताए ।
आफूले जीवनको महत्वपूर्ण समय नेविसंघलाई बलियो बनाउन खर्चिएको भन्दै सबै नेता÷कार्यकर्तामा अब आफूलाई केन्द्रीय सदस्यमा जिताउनकोलागि साथ दिन उनले आग्रहसमेत गरे ।

वडा, पालिका, जिल्ला र प्रदेश हुँदै आज नेपाली कांग्रेसको महाकुम्भ हुनलागेका भन्दै नेता शाहीले खुःसी व्यक्त गरेका थिए । साथै, उनले आफू डोटी जिल्लाको महाधिवेशन प्रतिनिधिमा सर्वाधिक मत ल्याएर निर्वाचित भएको भन्दै नेविसंघमा रहेर पाएका उपलब्धिबारे स्मरण गरेका थिए ।

उनले विज्ञप्तिमा भनेका छन्, ‘लामो त्याग, तपस्या, समर्पण र योगदान गर्नुभएका मेरा अग्रज, जो अहिले पनि पार्टीको बिभिन्न तह र तप्कामा यहाँहरुको लामो अनुभव र युवाहरुको जोश, जाँगर, उत्साह र २१औं शताब्दीको प्रविधिलाई समिश्रण गरेर पार्टीको नेतृत्वलाई अगाडी बढाउने उद्देश्यका साथ नेपाली कांगे्रसको केन्द्रीय सदस्यमा मेरो उम्मेद्वारी घोषणा गर्दछु’, विज्ञप्तिमा भनिएको छ ।

‘सबै जोड्ने देश, सबै अट्ने कांग्रेस’ भनेझैं केन्द्रीय समितिमा निर्वाचित भइसकेपछि सबैको अपनत्व स्थापित हुने कांग्रेस, सबैको स्वामित्व स्थापित काँग्रेस र सबैको सर्वोच्चता स्थापित हुन कांगे्रस बनाएर सु–संगठित, गतिशिल र बलियो कांग्रेस बनाएर निकट भविष्यमा हुने गइरहेको तीनवटै तहको निर्वाचनमा सबै तहको सरकार कांग्रेसको बनाउने र यसैको माध्यमबाट समग्र मूलुकको गरिबी, अशिक्षा र बेरोजगारि हटाउने भएका कारण मलाई केन्द्रीय सदस्यमा आफ्नो अमूल्य मत प्रदान गरि विजय गराउन हुन् सबैमा सादर अनुरोध गर्दछु’ विज्ञप्तिमा भनिएको छ ।