पौडेल पक्षलाई साझा उम्मेदवार चयन गर्न दबाव

२२ मंसिर, काठमाडौं । नेपाली कांग्रेसको रामचन्द्र पौडेल समूहका नेताहरुले शेखर र प्रकाशमानमध्ये एकलाई साझा उम्मेदवार चयन गर्न जोड दिएका छन् ।

उम्मेदवारको लागी वरिष्ठ नेता रामचन्द्र पौडेलले बुधबार जिल्ला सभापति र पूर्व सभापतिहरुसँग छलफल गरेका छन् । उनीहरुले पनि साझा उम्मेदवार स्वीकार गरि अगाडी बढ्न सुझाएका छन् ।

सबै नेताहरुको राय बुझेर साझा उम्मेदवार बनाउनुपर्नेमा केन्द्रीय सदस्य वद्री पाण्डेले जोड दिएका छन् । उनले अपरान्ह ३ बजे सभापतिका आकांक्षीहरु र केन्द्रीय सदस्यहरुबीच नेता प्रकाशमान श्रेष्ठको निवास चाक्सीबारीमा छलफल हुने जनाईएको छ।

पौडेल समूहमा सभापतिको आकांक्षी ४ बाट २ जनामा झरेको छ । यदी साझा उम्मेदवार चयन गर्न नकेको खण्डमा सभापतिमा देउवा नै आउने अड्कल गरिएको छ ।