कांग्रेस महाधिवेशनको उद्घाटन समारोह सुरु

२४ मंसिर, काठमाडौं । काठमाडौंको भृकुटीमण्डपमा नेपाली कांग्रेसको १४ औं महाधिवेशनको उद्घाटन कार्यक्रम सुरू भएको छ । औपचारिक रूपमा प्रधानमन्त्री एवं पार्टी सभापति शेरबहादुर देउवाले अहिले केहीबेरमा उद्घाटन गर्ने कार्यक्रम रहेको छ।

कार्यक्रममा सहभागी हुन नेकपा माओवादी अध्यक्ष पुष्पकमल दाहाल ‘प्रचण्ड’। नेकपा (एकीकृत समाजवादी) पार्टीका अध्यक्ष माधवकुमार नेपाल पनि कार्यक्रम स्थलमा पुगिसकेका छन् ।

एमाले अध्यक्ष केपी शर्मा ओली पनि सहभागिताका लागि निम्तो पुगे पनि कार्यक्रम स्थल आइपुगेका छैनन् । कांग्रेस महाधिवेशनमा संसदमा प्रतिनिधित्व गर्ने सबै दलहरूलाई निम्ता गरिएको छ ।

उद्घाटन समारोहमा कांग्रेसका शीर्षनेतासँगै विभिन्न दलका प्रमुख तथा विदेशबाट आएका अतिथिले सम्बोधन गर्ने कार्यक्रम रहेको छ ।