एमसीसी सम्झौताको खारेजीको माग गर्दै कार्यालय घेराउ

२७ मंसिर, काठमाडौं । अमेरिकी सहयोग नियोग मिलिनियम च्यालेन्ज कर्पोरेशनविरुद्ध आन्दोलनरत मोर्चाले एमसीए नेपालको कार्यालय घेराउ गरेका छन्।

अमेरिकी सहयोग नियोग मिलिनियम च्यालेन्ज कर्पोरेशनविरुद्ध आन्दोलनरत ६ कम्युनिस्ट पार्टी तथा दुई क्रान्तिकारी मोर्चाले संयुक्त रुपमा एमसीए नेपालको कार्यालय घेराउ गरेका छन् ।

दरबारमार्गस्थित होटल याक एण्ड यतीमा रहेको कार्यालयमा उनीहरुले घेराउ गरेका हुन् । घेराउ गर्न आएको प्रदर्शनकारीहरुलाई प्रहरीले होटलको गेट बाहिर रोकेको छ।

मोहन वैद्य किरण नेतृत्वको नेकपा क्रान्तिकारी माओवादी, विप्लव नेतृत्वको नेपाल कम्युनिस्ट पार्टी, मोहनविक्रम सिंह नेतृत्वको नेकपा मसाल, सीपी मैनाली नेतृत्वको नेकपा माले, ऋषि कट्टेल नेतृत्वको नेकपा, आहुती नेतृत्वको वैज्ञानिक समाजवादी पार्टीसहितका विभिन्न घटकहरुले एमसीए नेपालको कार्यालय घेराउ गरेका हुन्।

एमसीसी सम्झौताको खारेजीको माग गर्दै चरणबद्ध रुपमा आन्दोलनमा रहेको यो मोर्चाले मंगलबार संघीय संसद भवन वानेश्वर घेराउ गर्ने कार्यक्रम राखेका छन्।