संस्थागत समाजिक उत्तरदायित्व अन्तर्गत सांग्रिलाको सहयोग

२७ मंसिर, काठमाडौं । सांग्रिला डेभलपमेन्ट बैंकले समय समयमा आफ्नो सामाजिक उत्तरदायित्व अन्तर्गत विभिन्न सामाजिक सेवा सम्वन्धि कार्य गर्दै आएकोमा सामाखुसी, काठमाडौं स्थित मानवसेवा आश्रमलाई खाद्यान्न र रकम हस्तान्तण गरी सहयोग गरेको छ ।

घरवार विहिन,सडक पेटीमा वस्ने व्यक्तिहरु तथा मानसिक सन्तुलन गुमाएकोका व्यक्तिहरुलाई आवास सहितको सुविधा दिने उद्देश्यले ४ वर्ष अघी स्थापना भएको उक्त आश्रममा आश्रय लिई बसेका ७५ जना व्यक्तिहरुलार्ई यस किसिमको सहयोगले प्रत्यक्ष लाभ प्राप्त हुनेमा बैंक विश्वस्त रहेको छ ।

एक कार्यक्रमका विच उक्त संस्थालाई बैंकका प्रमुख कार्यकारी अधिकृत  सुयोग श्रेष्ठले खाद्यान्न र सहयोग रकम हस्तान्तरण गरेका थिय ।

यस किसिमको सहयोगले आश्रमलाई मद्दत पुगेको कुरा व्यक्त गर्दै यस सम्वन्धि कार्यक्रमलाई बैंकले निरन्तरता दिन सफल होस् भनी मानव सेवा आश्रम, सामाखुसीका संचालक श्रीमती यशोदा वर्तौलाले आफ्नो विचार राखे ।