आज एमसिसीको बोर्ड बैठक बस्दै

२८ मंसिर, काठमाडौं । अमेरिकी सहयोग परियोजना मिलिनियम च्यालेन्ज कर्पोरेसन (एमसिसी) बोर्ड अफ डाइरेक्टर्सको बैठक आज बस्दैछ।

भिडिओ कन्फरेन्सबाट एमिसीको आजको बैठकमा ६ वटा एजेन्डामा छलफल हुने भएको छ । तीमध्ये नेपालसँग भएको एमसिसी सम्झौता पनि एक हुनेछ ।

नेपालमा एमसिसी सम्झौता भएको चार वर्ष बितिसक्दा पनि संसदबाट अनुदमोदन हुन सकेको छैन। पछिल्लो केही समयदेखि नेपाली राजनीतिमा एमसिसीबारे चार्चा हुन थाले पछि सत्तारूढ गठबन्धनका केही दल र प्रमुख प्रतिपक्षी नेकपा एमालेभित्रको एउटा समूह एमसिसी अहिलेकै अवस्थामा पारित गर्न नहुने पक्षमा छन्।

एमसिसी सम्झौता सम्बन्धी बुझ्न गत मंसिर पहिलो साता दक्षिण तथा मध्य एसियाली मामिला हेर्ने अमेरिकी सहायक विदेश मन्त्री डोनाल्ड लु काठमाडौं आएका थिए। त्यो बेला केही टुंगो नलागे पनि उनी फर्किएका थिए । उनीअघि गत भदौमा एमसिसीकी उपाध्यक्ष फतिमा सुमार नेपाल आएकी थिइन्।