भद्रगोलको २०२ एपिसोडलाई १ करोड भ्युज !

२८ मंसिर, काठमाडौं । नेपाली टेलिभिजन सिरियलको इतिहासमा पहिलोपटक ‘भद्रगोल’ले युट्युबमा १ करोड भ्युज पाएको छ । दुई वर्षअघि सार्वजनिक ‘भद्रगोल’को एपिसोड २०२ लाई युट्युबमा १ करोड बढी पटक हेरिएको छ ।

हाल ‘सक्किगो नि’को लेखन एवं निर्देशन गर्दै आएका कुमार कट्टेल ‘जिग्री’ र अर्जुन घिमिरे ‘पाँडे’ले सो समयमा ‘भद्रगोल’ लेखन एवं निर्देशन गर्दै आएका थिए । कुमार र अर्जुनसँगै ‘भद्रगोल’मा अभिनय गर्दै आएका अधिकांश कलाकार अहिले ‘सक्किगो नि’मा देखिँदै आएका छन् ।

कुमार र अर्जुनको लेखन तथा निर्देशन रहँदै आएको ‘सक्किगो नि’लाई पनि दर्शकले रुचाउँदै आएका छन् । यो टेलिसिरियलमा कुमार र अर्जुनसँगै सागर लम्साल, हरिश निरौला, गोविन्द कोइराला, कमलमणि नेपाल, दीपक आचार्य, मधुसुदन पाठक, प्रियाना आचार्य, सीतादेवी घिमिरे, रश्मी पाण्डे, सञ्जिता पाण्डे, कविराज भाम लगायतको अभिनय रहँदै आएको छ । यो टेलिसिरियल हिमालय टीभीबाट प्रसारण हुँदै आएको छ । हालसम्म यो टेलिसिरियल ४६ भागसम्म प्रसारण भइसकेको छ ।