प्रदेश २ को नामकरण र स्थायी राजधानी टुंगो लगाउँछु : मुख्यमन्त्री राउत

२९ मंसिर, जनकपुरधाम। प्रदेश २ का मुख्यमन्त्री लालबाबु राउतले प्रदेशसभाको आठौं अधिवेशनको पहिलो बैठकमा प्रदेशको नामकरण र स्थायी राजधानीको टुंगो लगाउने जानकारी गराएका छन् ।

बुधबारदेखि शुरु भएको प्रदेशसभा अधिवेशनको पहिलो बैठकमा उनले अहिले सम्म प्रदेशको नामकरण नहुँदा आफूले विभिन्न घोचपेच सहनु परेको भन्दै यो अधिवेशनमा प्रदेशको नामकरण जसरी भएपनि गर्नुपर्ने बताए ।

उनले भने, ‘विपक्षी दल र सरकारमा रहेका दलहरु बैठक गरेर टुंग्याउनुपर्छ । उनले अधिवेशन विभिन्न कारणले ढिला भएको र विभिन्न परिस्थितिका कारण नामाकरणमा ढीला भएको भनाई थियो स उनले भने, ‘हामीले बैठक बोलाएर पनि टुंग्याउन सकेनौं ।

हामीले चाहेर पनि गर्न सकेका छैनौं’। अब यो बैठकले नाम र राजधानीलाई टुंग्याउँने उसको विश्वास छ । नामको टुंगो नलाग्दा प्रदेश २ या २ नम्बर प्रदेश भनिंदै आएको र यसले आफुलाई पीडा हुने बताए । उनले भने, ‘हाउसले निकास दिन नसके हाम्रै कमीकमजोरी ठहरिनेछ। त्यही भएर सबै मिली यसलाई निकास दिऔं ।’