कांग्रेस महामन्त्रीको मतगणना सुरु, कसले जित्ला ?

१ पुस, काठमाडौं । नेपाली कांग्रेसको महामन्त्रीका लागि भएको निर्वाचनको मतगणना भर्खरै सुरु भएको छ । आज बिहीबार बिहान १० बजेदेखि मतगणना प्रारम्भ गरिएको हो ।

मतगणनाका लागि मतपेटिकाबाट मत खसाइएको र केही समयभित्रै मत परिणाम सार्वजनिक गर्ने निर्वाचन समितिले जानकारी दिएको छ ।

कांग्रेसका दुई महामन्त्रीका लागि ६ जना उम्मेदवार छन् । जसमा डा.मिनेन्द्र रिजाल, गगन थापा, विश्वप्रकाश शर्मा, डा.प्रकाशशरण महत, प्रदीप पौडेल र डा.राजाराम कार्की छन् ।