ज्योति बिकास बैंकको बुकक्लोज मिति तय

१ पुस, काठमाडौं । ज्योति बिकास बैंक लिमिटेडको बुक क्लोज मिति तय भएको छ । बैंकले कम्पनीले घोषणा गरेको १५.५० प्रतिशत लाभांश तथा चौधौं वार्षिक साधारण सभा प्रायोजनको लागि पौष ९ देखि २३ गते सम्म शेयर दाखिल खारेज बन्द (बुकक्लोज) गर्न लागेको हो ।

बैंकको चौधौं वार्षिक साधारण सभा मिति २०७८ पौष २३ गते हुने भएको छ।

कम्पनीको मिति २०७८ मंसिर २९ गते दिउँसो ३:३० बजे बसेको संचालक समितिको ४०८औं बैठकको निर्णयानुसार बैंकको चौधौं वार्षिक साधारण सभा आगामी २०७८ पौष २३ गते शुक्रवार बिहान ११ बजे लिसारा रिसेप्सन, भगवती बहाल-नक्साल, काठमाडौंमा गर्ने निर्णय गरेको हो।

तसर्थ, मिति २०७८ पौष ८ गते सम्म नेपाल स्टक एक्सचेन्ज लिमिटेडमा कारोबार भई नियमानुसार सि। डि। एस। एण्ड क्लियरिङ्ग लिमिटेडबाट राफसाफ समेत भई यस संस्थाको शेयर दर्ता किताबमा कायम हुन आएका शेयरधनीहरुले मात्र सभामा भाग लिन साथै लाभांश प्राप्त गर्न सक्नेछन्।