कांग्रेस महामन्त्रीको ९ सय मत गन्दा गगन थापालाई ५५९ भोट

१ पुस, काठमाडौ । नेपाली कांग्रेसको महामन्त्रीका लागि अहिले मतगणना भइरहेको छ। अहिलेसम्मको मतपरिणाममा गगन थापाले अग्रता लिएका छन्।

९०० मत गन्दा गगनले ५५९ मत पाएका छन्। विश्व प्रकाश शर्माले ३५७ मत पाएका छन् । दोस्रो स्थानका लागि विश्वप्रकाश शर्मा र प्रदीप पौडेलबीच तीव्र प्रतिस्पर्धा देखिएको छ।

त्यस्तै प्रदिप पौडेलले ३००, प्रकाश शरण महतले २९७, मिनेन्द्र रिजालले १५३, राजाराम कार्की ३१ मत प्राप्त गरेका छन् । कांग्रेस विधानमा महाधिवेशनबाट दुई जना महामन्त्री निर्वाचित हुने व्यवस्था छ। महामन्त्रीमा ६ जनाबीच प्रतिस्पर्धा छ।

सभापति शेरबहादुर देउवा समूहबाट डां प्रकाश शरण महत र प्रदीप पौडेल छन् भने डा.शेखर कोइराला समूहबाट गगन थापा र मिनेन्द्र रिजाल मैदानमा छन्। यस्तै प्रकाशमान सिंह समूहबाट विश्वप्रकाश शर्मा र विमलेन्द्र निधि समूहबाट डा. राजाराम कार्की महामन्त्रीको उम्मेदवार छन्।

यसअघि सभापति र उपसभापतिको मतगणना सकिएको छ। सभापतिमा शेरबहादुर देउवा र उपसभापतिमा पूर्णबहादुर खड्का तथा धनराज गुरुङ निर्वाचित भएका छन्।