पछिल्लो २४ घण्टामा २२० जना नयाँ संक्रमित थपिए

५ पुस, काठमाडौं । देशभर पछिल्लो २४ घण्टामा २ सय २० जना नयाँ कोरोना भाइरस संक्रमित थपिएका छन् । स्वास्थ्य मन्त्रालयका अनुसार २१८ पीसीआर र २ एन्टिजेन परीक्षणबाट कोरोना संक्रमण पुष्टि भएको हो।

मन्त्रालयका अनुसार २४ घण्टामा ४ हजार १४१ जनाको परीक्षण गरिएको हो । जसमा पीसीआर परीक्षण २ हजार ७२५ र एन्टिजेन परीक्षण १ हजार ४१६ भएको छ ।

सो अवधिमा २६३ जना कोरोनामुक्त भएका छन् भने कोरोनाबाट १ जनाको मृत्यु भएको छ । अहिले देशभर सक्रिय संक्रमितको संख्या ५ हजार २२५ छ ।