शिक्षक कुटिएको विरोधमा आरआरमा पढाई बन्द

६ पुस, काठमाडौं । रत्नराज्य लक्ष्मी ‘आरआर’ क्याम्पसका शिक्षकहरुले पढाउन बन्द गरेका छन् । चिट र्चोन नदिएको भन्दै विद्यार्थीले शिक्षक कुटेपछि क्याम्पसका शिक्षकहरुले पढाइ बन्द गर्ने निर्णय गरेका हुन् ।

रत्नराज्यलक्ष्मी क्याम्पस प्राध्यापक संघ, प्रजातन्त्रवादी प्राध्यापक संघ र नेपाल प्रगतिशील प्राध्यापक संगठनले संयुक्त विज्ञप्ति जारी गर्दै शैक्षिक स्थलमा प्राध्यापकहरु नै असुरक्षित हुने अवस्था रहेसम्म र आक्रमणकारीलाई गल्ती अनुसारको कारबाही नभएसम्म अध्यापन नगर्ने जनाएका हुन् ।

जारी विज्ञप्तिमा उनीहरुले विद्यार्थीबाट कुटिएर घाइते भएका प्राध्यापकको उपचार गर्न पनि माग गरेका छन् ।