देशभर थप २९० जनामा कोरोना पुष्टि, ३ संक्रमितको मृत्यु

६ पुस, काठमाडौं । पछिल्लो २४ घण्टामा देशभर थप २ सय ९० जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार १२ हजार ४ सय ७३ जनाको पीसीआर परीक्षण गर्दा २५२ जना र ४ हजार ६ सय १६ जनाको एन्टीजेन परीक्षण गर्दा ३८ जना गरी २९० जनामा कोरोना संक्रमण पुष्टि भएको हो ।

सोही अवधिमा कोरोना संक्रमणबाट ३ जनाको मृत्यु भएको छ भने २३२ जना निको भएका छन् । हाल देशभर सक्रिय संक्रमितको संख्या ५ हजार २४२ जना रहेका छन् ।