सूर्या लाइफ इन्स्योरेन्सले कहिले गर्दैछ बुक क्लोज ?

६ पुस, काठमाडौं । सूर्या लाइफ इन्स्योरेन्सको आर्थिक वर्ष २०७६/७७ को वार्षिक साधारण सभा पुस १९ गते बस्दैछ । सभामा कम्पनीले सो आर्थिक वर्षको मुनाफाबाट १२.७ प्रतिशत बोनस शेयर र कर तिर्न ०.६७ प्रतिशत नगद गरी कुल १३.३७ प्रतिशत लाभांश वितरण गर्ने मुख्य प्रस्ताव पेश हुनेछ ।

बोनस शेयर जारी गरेपछि शेयर संरचना परिवर्तन हुने भएकाले सोही अनुसार प्रबन्धपत्र तथा नियमावली संशोधन गर्ने प्रस्ताव पनि छ । यस्तै, संस्थापक र सर्वसाधारण समूहको सेयर संरचना परिवर्तन गर्ने एजेन्डा पनि रहेको छ ।

कम्पनीले हाल संस्थापक समूहको हिस्सा ६० प्रतिशत र सर्वसाधारण समूहको हिस्सा ४० प्रतिशत रहेको शेयर संरचनालाई परिवर्तन गरी संस्थापक हिस्सा ५१ प्रतिशत र सर्वसाधारण हिस्सा ४९ प्रतिशत बनाउन लागेको हो ।

सभा होटल हैरिसन प्यालेस बजरंगबली मार्ग, विराटनगरमा बिहान ११ बजे बस्नेछ । सभामा भर्चुअल माध्यमबाट पनि सहभागी बन्न सकिनेछ । सभा प्रयोजनका लागि पुस ९ गतेदेखि पुस १६ गतेसम्म बुक क्लोज हुनेछ । पुस ८ गतेसम्म कायम रहने शेयरधनीले लाभांश पाउनेछन् ।