नेपालमा थप एक जनामा ओमिक्रोन संक्रमण पुष्टि

७ पुस, काठमाडौं । नेपालमा फेरि एक जनामा कोभिडको नयाँ भेरियन्ट ओमिक्रोन संक्रमण भएको छ । जिन सिक्वेन्सिङ गर्दा ९८ वर्षका एक वृद्धमा संक्रमण पुष्टि भएको स्वास्थ्य मन्त्रालयले जनाएकाे हाे ।

मन्त्रालयका अनुसार ती वृद्ध होम आइसोलेसनमा छन् । उनको कन्ट्रयाक्ट ट्रेसिङ गरिएको  छ । नेपालमा एक महिनाअघि दुई जनामा ओमिक्रोन भेरियन्टको संक्रमण पुष्टि भएको थियो ।  याे सँगै नेपालमा नयाँ भेरियन्ट ओमिक्रोन संक्रमण हुने सँख्या तीन पुगेकाे छ ।