बीमा समितिको सञ्चालकमा रिजाल नियुक्त

८ पुस, काठमाडौं । बीमा समितिको सञ्चालक समिति सदस्यमा सन्तोष रिजाललाई नियुक्त भएका छन् । बिहीबार सरकारले बीमा समितिको सञ्चालक समिति सदस्यमा सन्तोष रिजाललाई नियुक्त गरेको हो ।

बीमा समितिको रिक्त बीमितको कोटामा रिजाल सञ्चालक बनेका हुन् । मन्त्रिस्तरीय निर्णयबाट सञ्चालकमा नियुक्त भएका रिजालले आजै अर्थमन्त्रालयबाट पत्र बुझेका छन् । दाङ घर भएका रिजाल बीमितको हितको पक्षमा काम गर्दै आएका व्यक्ति हुन् ।

नेपाल बीमितहरुको हितमा काम गर्दै आएका रिजाल बीमित हित संरक्षण समितिका सदस्य समेत हुन् । अर्थशास्त्रमा स्नातकोत्तर रिजाल प्राध्यापन पेशामा समेत आवद्द छन् ।