देशभर थप ५४० जना संक्रमित

२२ पुस, काठमाडौं । नेपालमा दैनिक जसो कोरोना संक्रमण पुन: बढ्न थालेको छ । स्वास्थ्य मन्त्रालयका अनुसार पछिल्लो २४ घण्टामा देशभर थप ५ सय ४० जना संक्रमित थपिएका छन् ।

१२ हजार ९९ जनाको कोरोना परीक्षण गर्दा पीसीआर ४७८ तथा एन्टिजेन विधिबाट ६२ जना संक्रमण पुष्टि भएको मन्त्रालयले जनाएको छ ।

मन्त्रालयका अनुसार कोरोनाबाट देशभर २७१ जना संक्रमणमुक्त भएर घर फर्किएका छन् । हाल ११३ जना क्वारेन्टाइनमा रहेको मन्त्रालयले जनाएको छ ।

हालसम्म नेपालमा कोरोना संक्रमणबाट मृत्यु हुनेको संख्या ११ हजार ६०२ पुगेको छ । हाल देशभर सक्रिय संक्रमित ५४३१ जना रहेका छन् ।