नेपालमा दैनिक कोरोना संक्रमण बढ्दै, एकैदिन ९६८ जना संक्रमित

२३ पुस, काठमाडौं । नेपालमा दैनिक कोरोना भाइरस संक्रमण बढ्दै गएको छ ।पछिल्लो २४ घण्टामा देशभर ९ सय ६८ जनामा कोरोना भाइरस संक्रमण पुष्टि भएको छ ।

स्वास्थ्य मन्त्रालयका अनुसार पीसीआर र एन्टिजेन गरी १४ हजार ९७१ परीक्षणमा ९६८ जनामा संक्रमण पुष्टि भएको हो । कोरोना संक्रमणबाट पछिल्लो २४ घण्टामा कसैको पनि मृत्यु भएको छैन ।

हाल देशभर कोरोना भाइरसको सक्रिय संक्रमितको संख्या पाँच हजार ७४१ रहेको छ । सो अवधिमा कोरोना संक्रमणमुक्त हुनेको संख्या २६२ रहेको छ ।

कुन जिल्लामा कति ?

काठमाडौं जिल्लामा २८४, ललितपुरमा ६२, मोरङमा २९, भक्तपुरमा २३, चितवनमा २०, दाङमा १५, कास्कीमा १३, धनुषामा १०, सुनसरीमा ९, काभ्रे र कैलालीमा ८र८ जनामा संक्रमण पुष्टि भएको छ ।