नेपालमा पछिल्लो २४ घण्टामा मात्रै ३५५३ जनामा कोरोना पुष्टि

२९ पुस, काठमाडौं । नेपालमा पछिल्लो साता कोरोना संक्रमितको संख्या ह्वात्तै बढिरहेको छ। पछिल्लो २४ घण्टामा मात्रै ३५५३ जनामा कोरोना संक्रमण पुष्टि भएको छ ।

१५ हजार ८१ जनाको कोरोना परीक्षण गर्दा पीसीआर र एन्टिजेन विधिबाट परीक्षण गर्दा सो संख्यामा कोरोना पुष्टि भएको स्वास्थ्य मन्त्रालयले जनाएको छ ।

यस्तैगरी, पछिल्लो २४ घण्टामा दुई सय ७१ जना संक्रमणमुक्त भएका छन् भने एक जनाको संक्रमणबाट मृत्यु भएको छ । मन्त्रालयका अनुसार नेपालमा हाल १४ हजार तीन सय ४० जना सक्रिय संक्रमित रहेका छन् । साथै सरकारले पछिल्लो एक दिनमा तीन लाख ५६ हजार चार सय जनालाई कोरोनाविरुद्धको भ्याक्सिन लगाएको छ ।