अब सपिङ मलमा २५ जना मात्र प्रवेश गर्न पाउने

२ माघ, काठमाडौं । सरकारले कोरोना भाइरसको जोखिम बढेपछि सपिङ मलमा २५ जना मात्र प्रवेश गर्न पाउने जनाएको छ । कोरोनाको नयाँ भेरियन्ट ओमिक्रोनको जोखिम बढेपछि सरकारले सपिङ मल, डिपार्टमेन्ट स्टारे तथा पार्टी प्यालेसहरु सशर्त सञ्चालन गर्ने दिइने जनाएको हो ।

ओमिक्रोन नियन्त्रणका लागी सरकारले जारी गरेको नयाँ आदेशअनुसार अब सपिङमल तथा डिपार्टमेन्ट स्टोरहरुमा एक पटकमा २५ जना मात्र प्रवेश गर्न दिनुपर्नेछ । जारी आदेशमा माक्सलाई अनिवार्य गरिएको छ ।

साथै पार्टी प्यालेसहरु प्रमुख जिल्ला अधिकारीबाट पूर्वस्वीकृति लिएर विवाह, ब्रतबन्ध जस्ता धार्मिक सांस्कृति कार्य सञ्चालन गर्न सक्नेछन् । तर कुल क्षमताको एक तिहाइ मात्र चलाउनुपर्ने र बढीमा ५० जना मात्र उपस्थित हुन पाउनेछन् ।