लाभांश पारित गर्न महालक्ष्मी विकास बैंकको सभा सोमबार हुँदै

२ माघ, काठमाडौं । महालक्ष्मी विकास बैंकको साधारण सभा सोमबार हुँदैछ । सभा कम्पनीको केन्द्रीय कार्यालय अन्नपूर्ण आर्केड २ दरबारमार्ग, काठमाडौंमा बिहान १० बजे शुरु हुने जानकारी दिएको छ ।

यो भन्दा अगाडि पुस २५ गते हुने भनिएको उक्त सभा गणपुरक संख्या नपुगेकाले स्थगित भएको थियो । पछिल्लो समय महामारीको रुपमा फैलिएको कोरोनाका कारण सभा भर्चुअल माध्यमबाट हुने जानकारी गराएको छ ।

सभाले २० प्रतिशत बोनस शेयर र १ दशमलव ०५२६ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गर्नेछ । कम्पनीले साधारण सभा प्रयोजनको लागि पुस १३ गते बुक क्लोज गरेको थियो । यस आधारमा पुस १२ गतेसम्म कायम शेयरधनीले साधारण सभामा भाग लिन र लाभांश पाउनेछन् ।

संस्थापक समूह ‘क’ र सर्वसाधारण समूह ‘ख’ को सञ्चालक पदको निर्वाचनको विषमा सम्मानित उच्च अदालत पाटनमा रिट निवेदन परी उक्त अदालतबाट निर्वाचन कार्यक्रमको बाँकी कारबाही नगर्न भनी पुस २३ गते अल्पकालिन अन्तरिम आदेश भएकोले निर्वाचन कार्यक्रम सम्बन्धी विषय प्रस्तुत सभामा छलफल नहुने र यस बारेमा सम्मानित अदालतबाट पछि हुने आदेशअनुासर हुने जानकारी गराएको छ ।