आज थप ६ हजार ७३४ जनामा कोरोना पुष्टि

३ माघ, काठमाडौं । नेपालमा पछिल्लो २४ घण्टामा मात्रै ६ हजार ७३४ जनामा कोरोना भाइरस संक्रमण पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा पीसीआर र एन्टिजेन गरी १७ हजार ४६५ वटा नमुना परीक्षणमा ६७३४ मा संक्रमण पुष्टि भएको हो ।

मन्त्रालयका अनुसार कोरोनाबाट देशभर ५ सय ४७ जना संक्रमणमुक्त भएर घर फर्किएका छन् । हाल १०० जना क्वारेन्टाइनमा रहेको मन्त्रालयले जनाएको छ। देशभर हाल सक्रिय संक्रमितको संख्या ३० हजार ८७७ रहेको छ ।

यसैगरी पछिल्लो २४ घण्टामा थप ३ जना संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ११ हजार ६२३ पुगेको छ ।