विकास बैंकको गरे पाँच महिनामा २ अर्ब ५४ करोड मुनाफा, मुक्तिनाथको अग्रता

४ माघ, काठमाडौं । १७ विकास बैंकले चालु आर्थिक वर्षको पाँच महिनामा २ अर्ब ५४ करोड रुपैयाँ मुनाफा आर्जन गरेका छन्।
मंसिर मसान्तसम्ममा १७ विकास बैंकले २ अर्ब ५४ करोड रुपैयाँ मुनाफा गर्न सफल भएका हुन् । पछिल्लो एक महिनाको अन्तरालमा विकास बैंकहरुको नाफा १७।७६ प्रतिशतले बढेको छ।

गत आर्थिक वर्षको मंसिरसम्म विकास बैंकहरुले २ अर्ब १८ करोड रुपैयाँ मुनाफा गरेका थिय । चालु आर्थिक वर्षको मंसिरसम्ममा विकास बैंकहरुको औसत नाफा १४ करोड ९५ लाख रुपैयाँ रहेको छ ।

यस अवधिमा विकास बैंकमध्ये सर्वाधिक मुनाफा कमाउने मुक्तिनाथ विकास बैंक बनेको छ। मुक्तिनाथले ४६ करोड मुनाफा कमाएको छ। कात्तिकको तुलनामा १७.५२ प्रतिशतले नाफा बढेको हो।

त्यस्तै, गरिमा विकास बैंकले ३४ करोड, ज्योति विकास बैंकले ३३ करोड ९४ लाख, महालक्ष्मी विकासले ३१ करोड ६६ लाख रुपैयाँ, कामना सेवाले ३० करोड ४२ लाख, शाइन रेसुंगाले २७ करोड ६६ लाख रुपैयाँ र लुम्बिनी विकासले २४ करोड ८० लाख रुपैंया मुनाफा कमाएका हुन्।

केन्द्रिय बैंकको तथ्यांकलाई आधार मान्दा चालु आर्थिक वर्षको मंसिर मसान्तसम्ममा नाफा कमाएका अधिकांश विकास बैंकमध्ये उल्लेखित यी ७ बैंकहरुको नाफा औसतभन्दा धेरै हो।

ग्रीन डेभलपमेन्ट बैंकले ८८ लाख रुपैयाँ मुनाफा कमाएको हो। कात्तिकको तुलनामा बैंकको नाफा भने करिब ३० प्रतिशतले बढेको छ। यस अवधिमा पाँच विकास बैंक भने अझै घाटामा नै रहेका छन्।

सर्वाधिक घाटामा सप्तकोशी डेभलपमेन्ट बैंक छ। सो बैंक १० करोड अधिक घाटामा छ। त्यस्तै, नारायणी डेभलपमेन्ट बैंक ४४ लाख, साल्पा १९ लाख, सिन्धु ९ लाख र कर्पोरेट ५ लाख रुपैयाँ नोक्सानीमा छन्।