ढिलासुस्ती कर्मचारीतन्त्रको दिनचर्या कहिलेसम्म ?
![यज्ञप्रसाद भट्टराई](
https://nepalbahas.prixacdn.net/media/albums/yagya_Bhattarai_2v6w3d0oyr.jpg
)
यज्ञप्रसाद भट्टराई
माघ ५, २०७८ बिहिबार ४:१४:४८
![](https://nepalbahas.prixacdn.net/media/albums/yagya_i5CthrEDTa.jpg)
५ माघ, काठमाडौं । नेताका हात र खल्तीका कार्यकर्ता नेपालमा राजनीति गर्न त्यहि अप्ठ्यारो छैन जति अन्य कुराहरु गर्न अप्ठ्यारो छ ।ब्यापार ब्यवसाय गर्न रकम मात्र भएर पुग्दैन यसका लागि ब्यवसाय प्रतिको ज्ञान र उचित बजारको खोजि गर्नु पर्छ । रोजगारीका लागि त झनै समस्यै समस्याहरु छन् । पढेर मात्र रोजगारी प्राप्त गर्ने अवसर प्राप्त होला भन्ने कल्पना अब आम नेपालीहरुमा मरिसकेको छ ।
कृषि क्षेत्रमा लागौ भने उत्पादन लागत समेत बोक्न नसक्ने कृषि सामाग्रीको मुल्यका कारण आम नेपाली किसानहरु समेत कृषि पेशाबाट बिमुख भैरहेका छन् । उद्योगधन्धा र कलकारखाना खोलौं लगानी भन्दा बढी चन्दा आतंकको ब्यवस्थापन गर्न सक्ने अवस्था नै छैन ।
देश बिकासका काममा ईमान्दार ब्यक्तिले हात हाल्न सक्ने अवस्थाको अन्त्य सँगै अब बिना कमीशन कुनै पनि काम बन्न सक्ने अवस्थाको कल्पना गर्छ भने त्यो महान भुल हुनेछ । ढिलासुस्ती कर्मचारीतन्त्रको दिनचर्या नै बनेको छ ।भ्रष्टाचार गर्न नसक्ने ब्यक्तिलाई अब कसैले पनि मन पराउन छोडिसकेका छन् ।
कालोबजारी नगरी ब्यापारीको ब्यापार ब्यवसाय नै चल्न सक्ने अवस्थामा छैन । शैक्षिक संस्था देखि स्वास्थ्य केन्द्रहरुमा समेत नियम संगत ढंगले चल्न सक्ने अवस्थामा छैनन । अन्य क्षेत्रको बारेमा आम नागरिकहरुले ब्यहोर्नु सास्ती ब्ेहोरीरहेकै छन् । यति हुँदा हुँदै पनि नेपालमा राजनीतिको ब्यापार भने असाध्यै राम्रोसँग फष्टाई रहेको देखिन्छ ।
राजनीति गर्न नेपालमा कुनै क्षेक्षिक प्रमाणपत्रको आवश्यकता पनि पर्दैन । त्यसैले अहिले नेपालको राजनीति धनबाद र डनबादले नै मज्जाले सञ्चालन गर्न सकिन्छ भनेर धेरैको आँखा राजनीति तर्फ मोडिएको छ । बिचार बिहिन भिडको जत्थाले राजनीतिलाई डोर्याउन थाले पछि नेपालको राजनीति पनि नराम्रोसँग धुमिल बन्दै गैरहेको देखिन्छ । राजनीति बिचारले सञ्चालित हुनुपर्ने हो ।
तर बिचारलाई धन र डनले प्रभावित बनाउन थाले पछिको नेपालको भोलिको भविष्य कस्तो होला रु आम नेपाली जनताहरुमा चिन्ता र चासो हुनु स्वभाविक हो । अहिले नेपालमा राजनीति गर्न कुनै पोलिटिकल सर्टिफिकेटको आवश्यकता पर्दैन नेताको दृष्टि सहित आर्शिबाद भए पुग्छ । नेतालाई रिझाउन सक्यो भने भकारा सोहोर्न नजान्ने ब्यक्ति पनि राजनीतिक नेतृत्वको उपल्लो तहमा नियुक्त हुन सक्छ । पार्टीलाई आर्थिक सहयोग गर्ने क्षमता राख्ने ब्यक्ति अर्थबिद्को दर्जामा उक्लन सक्छ ।
नेताको हात र खल्तिका कार्यकर्ताहरुलाई जहिले पनि निर्वाचन लड्न टिकट प्राप्त हुन्छ । ठूलाठूला ठेक्कापट्टा हात लाग्छ । शिक्षा र स्वास्थ्यमा देखिएका माफियाहरुको बिगबिगी पनि यहि खल्तिका कार्यकर्ताहरुको परिणाम हो । अहिले राजनीतिक दलमाआएका अधिकतम केन्द्रीय नेतृत्वहरु कित मेडिकल माफियाहरु छन् कित शैक्षिक माफियाहरु छन् जसको मुख्य उद्धेष्य भनेकै राजनीतिलाई उपयोग गरेर समाजमा लुटको ब्यापार चलाउनु हो । यसले राजनीतिक दलहरु र सिंगोब्यवस्था नै बदनाम बनिसकेको छ ।
त्यसैले अब राजनीतिलाई उजिल्याउन नीति र सिद्धान्तका आधारमा राज्य ब्यवस्था चल्न सक्ने अवस्था सृजना गर्न जरुरी छ । राजनीतिलाई ब्यापारको रुपमा हैन नितान्त देश र समाजको सेवा गर्ने अभियानका रुपमा अगाडि बढाउनु पर्छ । राज्यकोषको तनखा खाएर राज्य ब्यवस्था बिरुद्ध बिष बमन गर्ने अवस्थाको समेत अन्त्य गर्न जरुरी छ । सरकारी कर्मचारीले मातहतको काममा जनतालाई कसरी सन्तुष्ट गर्ने ? भन्ने बिषयमा मात्रै लाग्न र लाग्न सक्ने वातावरण बनाउन जरुरी छ ।
बिकास निर्माणका काममा नागरिकहरुलाई अनिवार्य रुपमा सहभागि गराउन जरुरी छ । शिक्षा र स्वास्थ्यमा हुने गरेको ब्यापार तत्काल बन्द गर्न सरकारले कठोर कदम चाल्न जरुरी छ । आम नागरिकलाई कसरी रोजगारी उपलब्ध गराउन सकिन्छ भनेर सरकार सञ्चालन गर्ने नेताहरुको ध्यान जान जरुरी छ ।
यसका लागि दैनिक रुपमा मिटिङ्ग, बैठक र सेमिनार सञ्चालन गरेर सरकारले एक महिनामा, तिन महिनामा, छ महिनामा र एक बर्षमा यति नागपिरकलाई रोजगारी गराउने स्पष्ट खाका कोर्न सके र सोहि अनुरुप कार्यान्वयन गर्न सके अबको ५ बर्षमा देशका आधा श्रमजिवी नागरिकलाई रोजगार उपलब्ध गराउन सकिन्छ भन्ने दृढ बिश्वास लिन सकिन्छ । नत्र माथि उल्लेख भए झै धनबाद र डनबादको आडमा नेताका हात पर्छ अनि जो जो खल्तिका कार्यकर्ता छन् तिनैको हालिमुहालीमा देश रुमल्लिरहने छ ।
यज्ञप्रसाद भट्टराई
यज्ञप्रसाद भट्टराई पूर्वको झापामा रहेर राजनीतिक, सामाजिक अभियानमा क्रियाशील छन् । सहकारी आन्दोलनमा समेत सरिक रहेका भट्टराईले पछिल्लो समय नेपालबहस डटकममा आबद्ध रहेर लेखन तथा पत्रकारिता गरिरहेका छन् ।
लेखकबाट थपठूलो जनशक्तिलाई बेरोजगार बनाएको शिक्षाका कुरा गरौँ
पुष २, २०८१ मंगलबार
कांग्रेसमा सभापतिको बहस, शेखरप्रति बढ्दो छ क्रेज
मंसिर ३०, २०८१ आइतबार
निराशाजनक राजनीतिमा कांग्रेसभित्र डा. शेखर कोइरालाप्रति बढ्दो आशा
मंसिर २९, २०८१ शनिबार
बारामा यसरी भइरहेछ घुमुवामार्फत असुली, नाकाहरूमा तस्करहरूको रजगज
नेपालबहस संवाददाता
पुष २, २०८१ मंगलबार
ललितपुरमा रवि र बालेनप्रति अप्रत्यक्ष खनिए प्रधानमन्त्री
नेपालबहस संवाददाता
पुष २, २०८१ मंगलबार
सभापति देउवाको गृह प्रदेशमा कोइरालाको प्रवेश, उत्साहीत छन नेता र कार्यकर्ता
पुष ४, २०८१ बिहिबार
रविको अनुसन्धान प्रतिवेदन बुझाएसँगै जीबीलाई नेपाल ल्याउने पहल
पुष ४, २०८१ बिहिबार
पोखराबाट घान्द्रुक जाँदै गरेको जिप सडकबाट खस्दा ५ जना घाइते
पुष ४, २०८१ बिहिबार
‘नेपाल ग्रामीण चलचित्र महोत्सव’ को चौथो संस्करण हुँदै
पुष ४, २०८१ बिहिबार
गाजामा युद्धविराम हुनेमा म आशावादी छु : अमेरिकी विदेशमन्त्री ब्लिन्केन
पुष ४, २०८१ बिहिबार
काश्मिरमा विद्रोहीसँग भारतीय सेनाको भिडन्त, पाँचको मृत्यु
पुष ४, २०८१ बिहिबार