ज्योति विकास बैंकले गर्यो ३४ करोड ४० लाख मुनाफा, वितरण योग्य मुनाफा कति ?

७ माघ, काठमाडौं । ज्योति विकास बैंकले चालू आवको दोस्रो त्रैमासिक वित्तीय विवरण सार्वजनिक गरेको छ ।

उक्त वित्तीय विवरण अनुसार कम्पनीले चालू आवको दोस्रो त्रैमासमा मुनाफा १२ प्रतिशतले बढेको छ । बैंकले दोस्रो त्रैमाससम्ममा ३४ करोड ४० लाखभन्दा मुनाफा गरेको छ । यो नाफा गत आवको दोस्रो त्रैमासको तुलनामा १२ प्रतिशत वृद्धि भएको हो । कम्पनीले गत आवको दोस्रो त्रैमाससम्ममा रू। ३० करोड ५५ लाख ९९ लाख नाफा कमाएको थियो ।

चालू आवको दोस्रो त्रैमासमा कम्पनीको खुद ब्याज आम्दानी र सञ्चालन नाफामा वृद्धि भएकाले नाफा बढ्न टेवा पुगेको हो । कम्पनीले चालू आवको दोस्रो त्रैमाससम्ममा रू। ९१ करोड ८४ लाख ९८ हजार खुद ब्याज आम्दानी गरेको छ । यो आम्दानी गत आवको दोस्रो त्रैमासको तुलनामा ४१ प्रतिशत वृद्धि भएको हो ।

कम्पनीले गत आवको पहिलो त्रैमाससम्ममा  ६४ करोड ८० लाख खुद ब्याज आम्दानी गरेको थियो । चुक्तापूँजी  ४ अर्ब २६ करोड ७७ लाख रहेको कम्पनीले जगेडामा  ९८ करोड ११ लाख ६७ हजार र रिटेन्ड अर्निङमा  १० करोड ५ लाख सञ्चित गरेको हो ।

त्यसैगरी, चालू आवको दोस्रो त्रैमाससम्ममा कम्पनीको वितरणयोग्य नाफा  १० करोड ५ लाखभन्दा बढी रहेको छ । सो अवधिमा कम्पनीको प्रतिशेयर आम्दानी  १६ दशमलव १२, मूल्य आम्दानी अनुपात २८ दशमलव ९१ गुणा, तरलता अनुपात २१ दशमलव १६ प्रतिशत र प्रतिशेयर नेटवर्थ  १२५ दशमलव ३५ रहेको छ ।