ग्रीन डेभलपमेन्टको मुनाफा ३८.६९ प्रतिशतले घट्यो, ईपीएस कति ?

११ माघ, काठमाडौं । चालु आर्थिक वर्षको दोस्रो त्रैमाससम्म आइपुग्दा ग्रीन डेभलपमेन्ट बैंकको मुनाफा घटेको छ । यसअवधिमा यसको खुद नाफा ३८.६९ प्रतिशतले घटेर १८ लाख रुपैयाँमा सीमित भएको छ ।

गत वर्ष यसैअवधिमा यसले २९ लाख ४४ हजार रुपैयाँ मुनाफा कमाएको थियो । कम्पनीको खुद ब्याज आम्दानी भने ४४.७७ प्रतिशतले बढेर ५ करोड ६४ लाख पुगेको छ ।

सञ्चालन मुनाफा ५०.४७ प्रतिशतले घटेको छ । गत वर्ष ५२ लाख रुपैयाँ सञ्चालन नाफा आर्जन गरेको यसको यो त्रैमासमा घटेर २५ लाख रुपैयाँमा झरेको छ । पुस मसान्तसम्म आइपुग्दा प्रतिसेयर आम्दानी ७ पैसा मात्र रहेको ग्रीन डेभलपमेन्टको प्रतिसेयर नेटवर्थ १५४ रुपैयाँ ५२ पैसा छ ।