राष्ट्रियस्तरका विकास बैंकले गरे दोस्रो त्रैमासमा ३ अर्ब बढि मुनाफा, कुनको कति ?

११ माघ, काठमाडौं । चालू आर्थिक वर्षको दोस्रो त्रैमाससम्ममा राष्ट्रियस्तरका आठवटा विकास बैंकले ३ अर्ब बढि मुनाफा गरेको छ । जुुन गत वर्षको तुलनामा १६ दशमलव ८७ प्रतिशतले बढि हो ।

विकास बैंकहरूले सार्वजनिक गरेको वित्तीय विवरणअनुसार राष्ट्रियस्तरका विकास बैंकहरू गरिमा, महालक्ष्मी, लुम्बिनी, मुक्तिनाथ, ज्योति, कामना सेवा विकास बैंक, साइन रेसुङ्गा, सांग्रिला डेभलपमेन्ट बैंकले चालू आवको दोस्रो त्रैमाससम्ममु ३ अर्ब २० करोड १७ लाख मुनाफा गरेका छन् । गतवर्षको सोही अवधिमा यी बैंकको मुनाफा २ अर्ब ७३ करोड ९४ लाख रहेको थियो ।

यी ८ विकास बैंकको नाफामा वृद्धि भएको भए पनि वितरणयोग्य नाफामा भने कमी आएको छ । गतवर्षको दोस्रो त्रैमाससम्मको तुलनामा कामना, ज्योति र मुक्तिनाथको वितरणयोग्य नाफा उच्च दरले घटेकाले ८ विकास बैंकको वितरणयोग्य नाफामा कमी देखिएको हो। यी आठओटा विकास बैंकको गतवर्ष कुल  १ अर्ब ७४ करोड ८० लाख वितरणयोग्य नाफा भएकोमा यो वर्ष घटेर १ अर्ब ६९ करोड ८६ लाखमा झरेको छ । यो गतवर्षको सोही अवधिको तुलनामा २ दशमलव ८२ प्रतिशतले कमी हो ।

हेरौं कुनको मुनाफा कति ?