नेपालमा थप १२ हजार ८ जनामा कोरोना पुष्टि

११ माघ, काठमाडौं । नेपालमा मंगलबार थप १२ हजार ८ जनामा कोरोना संक्रमण पुष्टि भएको छ। स्वास्थ्य  मन्त्रालयका अनुसार पछिल्लो २४ घण्टामा २५ हजार ९०९ जनाको आरटी–पीसीआर र एन्टिजेन विधिबाट परीक्षण गर्दा १२ हजार ८ जनामा कोरोना संक्रमण पुष्टि भएको हो ।

हाल १६५ जना क्वारेन्टाइनमा रहेको मन्त्रालयले जनाएको छ। देशभर हाल सक्रिय संक्रमितको संख्या ८८ हजार ९३४ रहेको छ ।

पछिल्लो २४ घण्टामा देशभर ३ हजार ४० जना संक्रमणमुक्त भएर घर फर्किएका छन् । यसैगरी पछिल्लो २४ घण्टामा कोरोना संक्रमणका कारण ८ को मृत्यु भएको छ । नेपालमा कोरोना संक्रमणबाट मृत्यु हुनेको संख्या ११ हजार ६६७ पुगेको छ।