जानकी फाइनान्सको कस्तो छ वित्तीय अवस्था ?

१३ माघ, काठमाडौं । चालु आर्थिक वर्षको दोस्रो त्रैमाससम्म आइपुग्दा जानकी फाइनान्सले ३ करोड ५५ लाख ८९ हजार रुपैयाँ मुनाफा गरेको छ । अघिल्लो वर्षको यसैअवधिमा फाइनान्स ४ करोड ६८ लाख ५२ हजार रुपैयाँ नोक्सानमा थियो ।

यसअवधिमा यसको खुद ब्याज आम्दानी र सञ्चालन नाफा दुवै बढेकाले खुद नाफा बढ्न सहयोग पुगेको हो । खुद ब्याज आम्दानी ६५.३० प्रतिशतले बढेर ९ करोड ५१ लाख ७४ हजार रुपैयाँ पुगेको छ ।

सञ्चालन नाफा ४ करोड २७ लाख ५१ हजार रुपैयाँ पुगेको छ । अघिल्लो वर्ष कम्पनी ४ करोड ६८ लाख ५२ हजार रुपैयाँ सञ्चालन नोक्सानमा थियो । प्रतिसेयर आम्दानी ११ रुपैयाँ ८५ पैसा र प्रतिसेयर नेटवर्थ १५६ रुपैयाँ ७१ पैसा छ ।