नारायणी डेभलपमेन्ट बैंकको संस्थापक शेयर बिक्रीमा

१६ माघ, काठमाडौं । नारायणी डेभलपमेन्ट बैंक लिमिटेडले संस्थापक हेयर बिक्रीमा ल्याएको छ । बैंकले ५ लाख २९ हजार ९८२ कित्ता संस्थापक शेयर बिक्रीमा ल्याएको छ । बैंकले बिक्रीमा ल्याएको शेयर अन्य व्यक्ति तथा संस्थाहरुले खरीद गर्न पाउने भएका छन् ।

कम्पनीले यस अघि विद्यमान संस्थापक शेयरधनीहरुका लागि विक्रीको आव्हान गर्दा वितरण हुन नसकेको उक्त शेयर अन्य व्यक्ति तथा संस्थाहरुमा विक्री गर्न लागेको हो ।
कम्पनीले आइतबार यो शेयर विक्रीको लागि १५ दिने सूचना सार्वजनिक गरेको छ ।

यो शेयर खरीदका लागि तोकिएको अवधिभित्र इच्छुक व्यक्ति तथा संस्थाहरुले आवेदन दिन सक्नेछन् ।