पछिल्लो २४ घण्टामा ५,२९२ जनामा कोरोना पुष्टि

१७ माघ, काठमाडौं । नेपालमा पछिल्लो २४ घण्टामा ५ हजार २९२ जनामा कोरोना भाइरस संक्रमण पुष्टि भएको छ।स्वास्थ्य मन्त्रालयका अनुसार पछिल्लो २४ घण्टामा १६०८८ जनाको आरटी–पीसीआर र एन्टिजेन विधिबाट परीक्षण गर्दा ५ हजार २९२ जनामा कोरोना संक्रमण पुष्टि भएको हो ।

हाल १४१ जना क्वारेन्टाइनमा रहेको मन्त्रालयले जनाएको छ । देशभर हाल सक्रिय संक्रमितको संख्या ७९ हजार २७२ रहेको छ । पछिल्लो २४ घण्टामा देशभर ८ हजार १९१ जना संक्रमणमुक्त भएर घर फर्किएका छन् ।

पछिल्लो २४ घण्टामा कोरोना संक्रमणका कारण ८ जनाको मृत्यु भएको छ । नेपालमा कोरोना संक्रमणबाट मृत्यु हुनेको संख्या ११ हजार ७४३ पुगेको छ।