१५ फाइनान्स कम्पनीः दोस्रो त्रैमासमा कुनले कति गरे मुनाफा ?

१८ माघ, काठमाडौं । १५ फाइनान्स कम्पनीले चालु आर्थिक वर्षको दोस्रो त्रैमासको वित्तीय विवरण सार्वजनिक गरेका छन् । दोस्रो त्रैमासको वित्तीय विवरण गर्ने अधिकांश कम्पनीको मुनाफा घटेको छ ।

चालु आर्थिक वर्षको दोस्रो त्रैमाससम्ममा आइसिएफसि पाइनान्स, मञ्जुश्री फाइनान्स, श्री इन्भेष्टमेन्ट फाइनान्स, सेन्ट्रल फाइनान्स, पोखरा फाइनान्स, गुह्वेश्वरी फाइनान्स, प्रोग्रेशिभ फाइनान्स, गोर्खाज फाइनान्स र समृद्धि फाइनान्सले नाफा घटेको वित्तीय विवरण प्रकाशित गरेका छन्।

पुस मसान्तमा ९ वटा फाइनान्स कम्पनीले मुनाफा घटेको विवरण सार्वजानिक गरेका छन्। जसमा गोर्खाज फाइनान्सको नाफा सबैभन्दा धेरै ८८.६४ प्रतिशतले घटेको छ।

गत आर्थिक वर्षको दोस्रो त्रैमासमा घाटामा रहेका ३ फाइनान्स कम्पनी पनि यस वर्ष मुनाफामा पुगेका छन्। गत वर्ष घाटामा देखिएका बेष्ट फाइनान्स, जानकी फाइनान्स र नेपाल फाइनान्स मुनाफामा पुगेका हुन्।

गत आर्थिक वर्षमा फाइनान्स कम्पनीहरुको नाफा उच्च दरले बढेको भए पनि चालु आर्थिक वर्षमा भने खस्कदै गएको छ।