देशभर थप ५,५८३ जनामा कोरोना पुष्टि, ९ संक्रमितको मृत्‍यु

१८ माघ, काठमाडौं । पछिल्लो २४ घण्टामा देशभर थप ५ हजार ५ सय ८३ जनामा कोरोना भाइरसको संक्रमण पुष्टि भएको छ । सो अवधिमा कोरोनाबाट ९ जनाको मृत्‍यु भएको छ ।

स्वास्थ्य मन्त्रालयका अनुसार १० हजार ७७६ जनाको पीसीआर परीक्षण गर्दा ३ हजार ६५७ जना र ६ हजार ८९८ जनाको एन्टीजेन परीक्षण गर्दा १ हजार ९२६ जना गरी कुल ५ हजार ५८३ जनामा कोरोना संक्रमण पुष्टि भएको हो ।

हाल देशभरमा ७४ हजार ६५३२ सक्रिय संक्रमित छन् भने ८ हजार २६७ जना संक्रमणमुक्त भएका छन् । मन्त्रालयका अनुसार काठमाडौंमा १,४०४, ललितपुरमा ३०४ र भक्तपुरमा १९५ जनामा कोरोना संक्रमण देखिएको छ ।