केन्द्रीय बैंकले माग्यो ७ लाखभन्दा बढीको नगद कारोबारको विवरण

२० माघ, काठमाडौं । नेपाल राष्ट्र बैंकले बैंकहरुसँग चालु आर्थिक वर्षमा भएको ७ लाख रुपैयाँभन्दा बढी नगद कारोबारको विवरण माग गरेको छ। केन्द्रीय बैंकले बैंकहरुलाई पत्र लेख्दै २०७८ साउन १ गतेदेखि पुस ३० गतेसम्मको ७ लाख रुपैयाँभन्दा माथिको कारोबार विवरण माग गरेको हो।

सुपरीवेक्षण विभाग अन्तर्गतको सम्पत्ति शुद्धीकरण अनुगमन इकाईले सम्पत्ति शुद्धीकरण तथा आतंकवादी कृयाकलापमा वित्तीय लगानी निवारणको अवस्थाको विषयमा स्थालगत तथा गैर स्थलगत सुपरिवेक्षण गर्दै आएको छ। सोही बमोजिम केन्द्रीय बैंकले उक्त विवरण माग गरेको हो।

उक्त विवरण बैंकहरुले माघ २४ गतेसम्ममा केन्द्रीय बैंकलाई उपलब्ध गराउनु पर्ने पत्रमा उल्लेख छ।