बीमा कोष र बीमा शुल्क दुवै बढाउन सफल जनरल इन्स्योरेन्सको अन्य सूचक कस्ता ?

२४ माघ, काठमाडौं । जनरल इन्स्योरेन्सले चालु आर्थिक वर्षको दोस्रो त्रैमासिक रिपोर्ट सार्वजनिक गरेको छ । विवरण अनुसार कम्पनीको मुनाफा गत आर्थिक वर्षको सोही अवधिको तुलनामा बढेको छ।

जनरल इन्स्योरेन्सलले चालु आर्थिक वर्षको दोस्रो त्रैमाससम्म आइपुग्दा ५ करोड ६८ लाख ८५ हजार रुपैयाँ पुगेको छ । जुन मुनाफा गत वर्षको तुलनामा ५६.२० प्रतिशतले बढि हो ।

अघिल्लो वर्षको यसैअवधिमा यसले ३ करोड ६४ लाख १९ हजार रुपैयाँ मुनाफा कमाएको थियो । यसअवधिमा बिमा कोष र खुद बिमा शुल्क दुवै बढेकाले खुद नाफा बढेको हो ।

बिमा कोषको आकार ९९.४७ प्रतिशतले बढेर १३ करोड ३ लाख ५७ हजार रुपैयाँ पुगेको छ । अघिल्लो वर्षको यसैअवधिमा यसको बिमा कोषमा ६ करोड ६२ लाख ४२ हजार रुपैयाँ पुगेको छ । खुद बिमा शुल्क आर्जन १२।७५  प्रतिशतले बढेर १३ करोड ५० लाख ७ हजार रुपैयाँ पुगेको छ ।

पुस मसान्तसम्म आइपुग्दा जनरल इन्सुरेन्सको नाफासँगै प्रतिशेयर आम्दानी पनि बढेको छ । प्रतिशेयर आम्दानी ४ रुपैयाँ १० पैसाले बढेर ११ रुपैयाँ ३८ पैसा पुगेको छ । प्रतिशेयर नेटवर्थ १२९ रुपैयाँ १८ पैसा छ ।