नेपाल राष्ट्र बैंकले साढे ९ अर्बको विकास ऋणपत्र बिक्री गर्ने

२४ माघ, काठमाडौं । नेपाल राष्ट्र बैंकले विकास ऋणपत्र निष्कासन गर्ने भएको छ । बैंकले माघ २५ गते मंगलबार साढे ९ अर्बको ऋणपत्र निष्कासन गर्न लागेको हो ।

बैंकहरुमा तरलता अभाव भएको बेला सरकारले चालु आर्थिक वर्षको तेस्रो त्रैमासमा १ खर्ब आन्तरिक ऋण उठाउने लक्ष्य लिएपछि राष्ट्र बैंकले ऋण उठाउन लागेको हो ।

यसअघि २० अर्ब आन्तरिक ऋण उठाइसकेको छ । ऋणपत्रमा बैंक तथा वित्तीय संस्था तथा बीमा कम्पनी,संगठित संस्था तथा सर्वसाधारण सहभागी हुन सक्छन् ।