प्रिमियममा आईपीओ जारी गर्न लागेको रिलायबल लाइफको कस्तो छ वित्तीय अवस्था ?

२५ माघ, काठमाडौं । प्रिमियममा आईपीओ निष्काशन गर्न लागेको रिलायबल नेपाल लाइफ इन्स्योरेन्सले चालु आर्थिक वर्षको दोस्रो त्रैमासको वित्तीय विवरण सार्जजनिक गरेको छ । विवरणका अनुसार कम्पनीको मुनाफा गत वर्षको सोही अवधिको तुलनामा बढेको छ ।

चालु आर्थिक वर्षको दोस्रो त्रैमाससम्ममा कम्पनीको मुनाफा १.४४ प्रतिशतले बढेर छ । पुस मसान्तसम्म कम्पनीले १८ करोड ५ लाख रुपैयाँ मुनाफा गरेको पुगेको छ । गत आर्थिक वर्षको यहि अवधिमा कम्पनीले १७ करोड ७९ लाख रुपैयाँ मुनाफा गरेको थियो ।

कम्पनीले चालु आर्थिक वर्षको पुस मसान्तसम्ममा एक अर्ब ९२ करोड ९८ लाख रुपैयाँ खुद बीमाशुल्क आर्जन गरेको छ । यो गत आर्थिक वर्षको यहि अवधिको तुलनामा ४६.२३ प्रतिशतले धेरै हो । सम्ममा करिब दुई अर्ब रुपैयाँ खुद बीमाशुल्क आर्जन गरेको छ ।

गत आर्थिक वर्षको दोस्रो त्रैमाससम्ममा कम्पनीले १ अर्ब १३ करोड ९७ लाख रुपैयाँ मात्रै खुद बीमाशुल्क आर्जन गरेको थियो।

यस्तै कम्पनीले लगानी कर्जा तथा अन्य आम्दानीबाट २० करोड ५२ लाख रुपैयाँ र बीमालेख धितोमा ९ करोड ७१ लाख रुपैयाँ लगानी गरी १५ लाख ४० हजार रुपैयाँ आम्दानी गरेको छ ।

चुक्ता पूँजी १ अर्ब ४० करोड रुपैयाँ रहेको कम्पनीको जगेडा कोषमा एक अर्ब ६० लाख रुपैयाँ, बीमा कोषमा ३ अर्ब ६१ करोड ३१ लाख रुपैयाँ र महाविपत्ती कोषमा ९ करोड ७९ लाख रुपैयाँ सञ्चित छ ।

यस अवधिमा कम्पनीको प्रतिशेयर आम्दानी २५ रुपैयाँ ७९ पैसा र प्रतिशेयर नेटवर्थ १७८ रुपैयाँ ८५ पैसा रहेको छ ।