एभरेष्ट इन्स्योरेन्सको मुनाफामा गिरावट

८ माघ, काठमाडौं । एभरेष्ट इन्स्योरेन्सले चालु आर्थिक वर्षको दोस्रो त्रैमासको वित्तीय विवरण सार्वजनिक गरेको छ । विवरणका अनुसार कम्पनीको मुनाफा गत वर्षको सोही आवधिको तुलनामा घटेको हो ।

चालु आर्थिक वर्षको दोस्रो त्रैमाससम्म आइपुग्दा एभरेष्ट इन्स्योरेन्सको मुनाफा घटेको छ । यसअवधिमा खुद नाफा १९.२० प्रतिशतले घटेर ६ करोड १४ हजार रुपैयाँमा सीमित भएको छ । अघिल्लो वर्षको यसैअवधिमा यसले ७ करोड ४२ लाख ७४ हजार रुपैयाँ खुद नाफा कमाएको थियो । एक वर्षको अवधिमा बिमा कोषको आकार २५.५१ प्रतिशतले बढेर ४५ करोड ६७ लाख ८ हजार रुपैयाँ पुगेको छ । अघिल्लो वर्षको यसैअवधिमा यसको बिमा कोषमा ३६ करोड ३८ लाख ८२ हजार रुपैयाँ थियो ।

खुद बिमा शुल्क आर्जन ४३.०१ प्रतिशतलेबढेर २७ करोड ७४ लाख ६७ हजार रुपैयाँ पुगेको छ । अघिल्लो वर्षको यसैअवधिमा यसले १९ करोड ४० लाख २६ हजार रुपैयाँ खुद बिमा शुल्क आर्जन गरेको थियो । पुस मसान्तसम्म आइपुग्दा यसको प्रतिसेयर आम्दानी १० रुपैयाँ १४ पैसा र प्रतिशेयर नेटवर्थ १७३ रुपैयाँ ५१ पैसा छ ।