आफ्नै बुबाको हत्या गरेको अभियोगमा पक्राउ

४ फागुन, दाङ । आफ्नै बाबुको हत्या गरेको भन्दै प्रहरीले एक जनालाई प्रक्राउ गरेको छ। दाङ शान्तिनगर गाउँपालिका-३ चिराघाटको बेलडाँडा बस्ने ६३ वर्षीय कर्ण बहादुर मगरको हत्या गरेको अभियोगमा उनकै कान्छो छोरा १९ वर्षीय गोपाल मगरलाई बुधबार प्रहरीले पक्राउ गरेको हाे।

गोपालले कर्ण बहादुरलाई चक्कुले घाँटी रेटी हत्या गरेको भन्ने जानकारी पाएपछि ईलाका प्रहरी कार्यालय खिलतपुर र प्रहरी चौकी चिराघाटबाट खटिएको प्रहरीले उनलाई पक्राउ गरेको हो । घटनाबारे थप अनुसन्धान गरिरहेको प्रहरीले जनाएकाे छ ।