एनएमबि बैंकले रेमिट हाइड्रो निर्माण गरिरहेको ७७.५ मेगावाट क्षमताको परियोजनामा लगानी गर्ने

६ फागुन, काठमाडौं । एनएमबि बैंक लमिटेड र रेमिट हाइड्रो बीच ताप्लेजुङ्गको ७७.५ मेगावाट क्षमता भएको घुन्सा खोला जलविद्युत आयोजना लगानी गर्नका लागि समझदारी पत्रमा हस्ताक्षर भएको छ ।

कुल लागत १८ अर्ब २५ करोड रहेको घुन्सा खोला जलविद्युत आयोजनामा एनएमबि बैंकले समझदारी पत्रमा हस्ताक्षर पश्चात अन्य बैंक तथा वित्तीय संस्थाहरुलाई समेत सामेल गराई सह वित्तीयकरण गठन गरी अयोजनाको वित्तीय व्यवस्थापन गर्नेकुरा बैंकले प्रेस विज्ञप्ति मार्फत जानकारि गराएको छ । एनएमबि बैंकले हालसम्म ४६ वटा जलविद्युत आयोजनाहरुमा लगानी गरिसकेको छ ।

जनताको जलविद्युत कार्यक्रममा समावेश भएको घुन्सा खोला जलविद्युत आयोजना रेमिट हाइड्रोद्धारा प्रवद्धित आयोजना हो । रेमिट हाइड्रो लि।को मुख्य लगानीकर्ता हाइड्रोईलेक्ट्रीसिटी इन्भेष्टमेन्ट एण्ड डेभलपमेन्ट कम्पनी लि। तथा रेमिट्यान्सकर्ताहरु लगानी रहने छन ।