इंग्लिस प्रिमियर लिग फुटबलमा लिभरपुलको सहज जीत

८ फागुन एजेन्सी । इंग्लिस प्रिमियर लिग फुटबलमा लिभरपुलले सहज जित निकालेको छ । शनिबार राति भएको खेलमा लिभरपुलले नर्विच सिटीलाई ३–१ गोल अन्तरले हराएको हो । घरेलु मैदानमा एक गोलको अग्रता उल्टाएर लिभरपुलले जित निकालेको हो ।

खेलको ४८ औं मिनेटमा मिलोट राशिकाले गोल गर्दै नर्विचलाई अग्रता दिलाएका थिए । तर, खेलको ६४ औं मिनेटमा साडियो मानेले गोल गर्दै लिभरपुललाई १–१ को बराबरीमा ल्याएका थिए । खेलको ६७ औं मिनेटमा मोहमद सलाहले गोल गर्दै लिभरपुललाई २–१ को अग्रता दिलाए ।

त्यसपछि खेलको ८१ औं मिनेटमा लुइस डियाजले गोल गर्दै लिभरपुललाई ३–१ को जित दिलाए । लिभरपुलका लागि उनको यो पहिलो गोल हो । जितसँगै लिभरपुलले २५ खेलमा ५७ अंक जोडेको छ । लिभरपुल अंक तालिकाको दोस्रो स्थानमा रहेको छ ।

नर्विच १७ अंक जोडेर १९ औं स्थानमा रहेको छ ।