एमसीसीबारे निर्णय गर्न जसपाको बैठक बस्दै

१३ फागुन काठमाडौं । सत्ता गठबन्धनमा आवद्ध जनता समाजवादी पार्टी नेपालको केन्द्रीय कार्यकारणी समितिको बैठक आजबाट काठमाडौँमा सुरु हुँदैछ।

सरकारमा रहेर पनि जसपाले एमसीसीबारे आधिकारिक निर्णय गरेको छैन । आन्तरिक विवादका कारण लामो समयदेखि पार्टीको बैठकसमेत हुन सकेको छैन। जसअनुसार शुक्रबार बिहान ११ बजे बालकुमारीस्थित केन्द्रीय कार्यालयमा बैठक बस्न लागेको हो। बैठकमा अमेरिकी सहयोग मिलिनियम च्यालेन्ज कर्पोरेसन एमसीसीसँगै स्थानीय तहको निर्वाचनबारे छलफल हुने जसपाले जनाएको छ।

आजको बैठकमा एमसीसी, स्थानीय तह निर्वाचन र पार्टीको विधान सम्मेलन गर्ने साथै समसमायिक राजनीतिक विषयमा पनि छलफल हुने कार्यकारिणी सदस्य प्रशान्त सिंहले बताए । उनका अनुसार पार्टी विभाजन भएपछि केन्द्रीय विभागदेखि अन्य संरचना तय नभएकाले सोबारेमा पनि छलफल हुनेछ।

पार्टीमा संघीय परिषद् अध्यक्ष बाबुरा भट्टराई एमसीसी पारित गर्नुपर्ने लाइनमा छन् भने अध्यक्ष उपेन्द्र यादव यथास्थितिमा एमसीसी पास गर्ने पक्षमा छैनन्। पार्टीभित्र दुई लाइन देखिएसँगै जसपा पुनस् फुट्ने अड्कल गरिँदै आएको छ।