लाभांश प्रस्ताव गर्न ७ निर्जीवन बीमा कम्पनी मात्र बाँकी, कुन–कुनले गरे बुक क्लोज र एजीएम ?

१३ फागुन, काठमाडौं । गत वर्षको मुनाफाबाट ७ निर्जीवन बीमा कम्पनीहरुले आफ्ना शेयरधनीलाई दिने लाभांश वितरण गर्न सकेका छैनन् ।

यस अवधिसम्ममा नेप्सेमा सुचिकृत १८ निर्जीवन बीमा कम्पनीहरुमध्ये ७ वटा (सानिमा जनरल इन्स्योरेन्स कम्पनी, जनरल इन्स्योरेन्स कम्पनी, यूनाइटेड इन्स्योरेन्स कम्पनी, राष्ट्रिय बीमा कम्पनी, अजोड इन्स्योरेन्स, शिखर इन्स्योरेन्स र नेपाल इन्स्योरेन्स) कम्पनीहरुले मात्र लाभांश घोषणा गर्न नसकेका हुन् । बाँकी ११ वटा कम्पनीहरुले लाभांश घोषणा गरिसकेका छन् ।

सबैभन्दा धेरै लाभांश घोषणा गरेको कम्पनीः

आर्थिक वर्ष २०७७/७८ को लागि लाभांश घोषणा गरेका ११ वटा निर्जीवन बीमा कम्पनीहरुमध्ये सबैभन्दा धेरै सगरमाथा इन्स्योरेन्स कम्पनीले घोषणा गरेको छ । कम्पनीले २० प्रतिशत बोनश शेयर र १ दशमलव ०५२६ प्रतिशत नगदसहित २१ दशमलव ०५२६ प्रतिशत लाभांश घोषणा गरेको छ । त्यस्तै दोस्रोमा नेको इन्स्योरेन्स र तेस्रोमा सिद्धार्थ इन्स्योरेन्स रहेको छ ।

लाभांश प्रस्ताव गरेर बुक क्लोज गर्न बाँकी रहेका कम्पनीहरुः

आर्थिक वर्ष २०७७/७८ को १० कम्पनीहरुले लाभांश घोषणा गरी बुक क्लोज गर्न बाँकी रहेका छन् । हाल लाभांश घोषणा गर्ने ११ कम्पनीमध्ये एकको बुक क्लोज सम्पन्न र अर्कोको बुक क्लोज मिति मात्र तय भइको छ । अन्य ९ कम्पनीको भने बुक क्लोज मिति तय भएको छैन् ।

लाभांश घोषणा गर्ने यी कम्पनीको बुक क्लोज मिति तय भएको छैन् । त्यसैले बुक क्लोज हुनुभन्दा अघिल्लो कारोबार दिनसम्म कायम शेयरधनीले यी तीन कम्पनी लाभांश प्राप्त गर्न सक्नेछन् ।

लाभांश प्रस्ताव गरेर बुक क्लोज भइसकेका कम्पनीहरुः

लाभांश घोषणा गरेका ११ वटा कम्पनीहरुमध्ये १ कम्पनीले आर्थिक वर्ष २०७७/७८ को साधारणसभा र लाभांश प्रयोजनका लागि बुक क्लोज गरेको छ ।

हाल प्रिमियर इन्स्योरेन्सले मात्र बुक क्लोज गरी साधारणसभा समेत गरिसकेको छ । त्यस्तै, हिमालयन जनरल इन्स्योरेन्सले भने बुक क्लोज मिति मात्र तय गरेको छ । कम्पनीले फागुन १६ गते बुक क्लोज गदैछ । अन्य १० कम्पनीले साधारण सभा र लाभांश प्रयोजनको लागि बुक क्लोज मिति तय गरेका छैनन् ।

साधारणसभा गरेका कम्पनीहरुः

प्रीमिय इन्स्योरेन्स र सानिमा जनरल इन्स्योरेन्स र अजोड इन्स्योरेन्स कम्पनीले साधारणसभा गरिसकेको छन । तर सानिमा जनरल र अजोड इन्स्योरेन्स कम्पनीले भने यस वर्ष शेयरधनीहरुलाई हात खालि बनाएको छन ।

त्यस्तै प्रीमिय इन्स्योरेन्सले भने लाभांश वितरण गरिसकेको छ । अन्य दुई कम्पनीले भने साधारणसभाको मिति आह्वान गरेका छन् । हिमालयन जनरल इन्स्योरेन्सले फागुन ३० गते साधारण सभा बोलाएको छ । सभाले लाभांश प्रस्ताव पारित गर्नेछ ।